Кучли учликда фақат "Барселона" вакиллари!

"Four Four Two" журнали қизиқарли рейтингларни тузишда давом этмоқда. Бу сафар мутахассислар Ла Лигада 2000 йилларнинг энг яхши футболчилари рейтингини эълон қилди.

Ушбу рейтинг стартида "Барселона"да порлаган Роналдиньо турибди. Иккинчи ўринни Лионель Месси эгаллади. Кучли учликни яна бир собиқ "кўк-анорранглилар" футболчиси Хави якунлади.

Кучли ўнталикка Рауль Гонсалес, Зинедин Зидан, Андрес Иньеста, Самюэль Это’О, Роберто Карлос, Дани Алвес ва Роналдо кирди.

Криштиану Роналду рўйхатга киритилмади. Португалиялик футболчи 2009 йилда "Реал" сафига қўшилган эди.