Криштиану Роналду собиқ жамоасига қайтиши мумкин
- 11-феврал, 00:01
- Улуғбек Хошимов
- 0
- Футбол
Саудия Арабистонининг "Ан-Наср" клуби ҳужумчиси Криштиану Роналду яқин вақтда жамоасини алмаштириши мумкин.
Португалия терма жамоаси етакчиси Саудия клуби билан келишмовчилик сабаб жамоадан кетиш эҳтимоли ортиб бормоқда. Роналду "Ан-Наср"нинг ўйинларига бойкот эълон қилиб, жамоа сафида майдонга тушишдан бош тортмоқда. Шу сабабдан ҳам футболчининг яқин кунларда бошқа жамоа билан шартнома тузиши ҳақида миш-мишлар пайдо бўлмоқда. ESPN хабарига кўра, 41 ёшли форвард ўз ватанига қайтиб, Лиссабоннинг "Спортинг" клуби билан шартнома имзолаши мумкин. Криштиану фаолиятининг дастлабки қисмини айнан "Спортинг"да ўтказган. Роналдунинг "Ан-Наср" билан амалдаги шартномаси 2027 йилнинг ёзида якунига етади.
Маълумот учун, португалиялик форварднинг трансфер нархи 12 миллион еврони ташкил этади.