Ковачичгa икки жамоадан таклиф бор!

Матео Ковачич "Манчестер Сити"ни тарк этиши мумкин. Бу ҳақда "Caught Offside" нашри хабар бермоқда.

Манбанинг ёзишича, 31 ёшли ярим ҳимоячига Премьер-лиганинг икки клуби қизиқиш билдирмоқда. Булар - "Вест Хеэм" ва Бирмингемнинг "Астон Вилла" жамоалари. Матеонинг "шаҳарликлар" билан амалдаги шартномаси 2027 йил ёзида тугайди.

Хорватиялик ярим ҳимоячи "Манчестер Сити"га 2023 йил ёзида келиб қўшилган эди. Трансфермаркт маълумотларига кўра, унинг бозор қиймати 20 миллион еврони ташкил қилади.