Компани Нойерга ўринбосар топиб қўйди

Нидерландия терма жамоаси ва "Брайтон" дарвозабони Барт Вербрюгген Европанинг топ-клубларидан бирига ўтиши мумкин, деб хабар бермоқда The Miror нашри.

Манбага кўра, 22 ёшли нидерландиялик посбон билан "Бавария" жиддий қизиқмоқда. Мюнхен клуби бош мураббийи Венсан Компани шахсан ушбу трансферга қизиқиш билдирган. Белгиялик мутахассис Вербрюггенни 38 ёшли Мануель Нойернинг ўринбосари сифатида қарамоқда.

Эҳтимолий трансфернинг қиймати 60 миллион еврога баҳоланмоқда. Жорий мавсумда Барт 27 та ўйин ўтказди ва 7 учрашувда дарвозаси дахлсизлигини сақлаб қолди.