Компани Германия кубогидаги ғалабага баҳо берди

"Бавария" бош мураббийи Венсан Компани Германия кубоги финалида "Штутгарт" устидан қозонилган 3:0 ҳисобидаги ғалаба ҳақида фикр билдирди.

"Бу ажойиб ҳис. Бугун биз жуда кучли рақибга қарши ўйнадик ва биринчи бўлим мутлақо тенг кечди. Бу жамоа ҳал қилувчи паллаларда доим ўйин савиясини ошира олади.

Биз ҳимояда ишончли ҳаракат қилдик — бу деярли идеал кубок финали бўлди.

Танаффусдан кейин янада кучайишимиз мумкинлигини ҳис қилдик. Ғалаба учун керак бўлган барча ишни амалга оширдик. Йигитларим билан фахрланаман", — деди Компани.