Колби Ковингтон "қўлқопларини михга илди"ми?

UFC юлдузи Колби Ковингтон ММАдаги фаолиятини тўхтатиб, RAF лигасидаги чиқишларига эътибор қаратди, аммо бу "Хаос" бутунлай қўлқопларини михга осишга қарор қилганини англатмайди.

"UFC менга ўзим истаган жангларни таклиф қилмади. Мен Оқ Уйдаги турнир кардига ҳам кира олмадим. Бироқ у ерда октагонга чиқишни жуда хоҳлагандим. Мен даҳшатли шоу кўрсатиб, президент Дональд Трамп олдида нутқ сўзламоқчи эдим, лекин бу содир бўлмади.

Карьерамга келсак, менимча, уни якунламадим. Шунчаки Арман Царукян, Белал Муҳаммад, Камару Усмон каби йигитлар билан курашиб, жангларга бўлган иштиёқимни қайтармоқчиман", - деди америкалик "MMA Junkie" нашрига берган интервьюсида.

Эслатиб ўтамиз, Колби RAF лигасида мағлубиятсиз серия қайд этмоқда. Охирги баҳсида у Арман Царукянни очколар бўйича енгишни уддалади. 18 сентябрь куни Ковингтон Маямидаги "RAF 13" турнирида ўз камарини Белал Муҳаммадга қарши ҳимоя қилади.