Киммих: "Қизил карточка ўйинни сабрга айлантирди"

"Бавария" клуби футболчиси Жошуа Киммих "Боруссия Мюнхенгладбах"га қарши ўйиндан кейин ўз фикрларини билдириб ўтди. 

"Бу шубҳасиз сабр-тоқат ўйини бўлди. Дастлаб, "Боруссия" юқори босим ўтказадигандек кўринган эди. Уларнинг катта режалари бор эди. Учрашувни дадиллик билан бошлашди ва яхши ўйин намойиш этаётган эдилар. Аммо қизил карточка ўйиннинг картинасини ўзгартириб юборди. Улар режаларини ўзгартириб, чуқур ҳимояга ўтди.Биз шу ондан хотиржам ва сабрли бўлишимиз кераклигини тушундик.

Мавсум бошидаги 13 ўйинлик ғалабали сериямиз шунчаки тасодиф эмасди. Бу машаққатли меҳнат ва мунтазам машғулотларнинг самараси эди. Бизда чиндан ҳам ажойиб жамоа бор, майдонга янги қўшилган футболчилар яхши киришиб кета олишини намойиш этишяпти.Бу жуда муҳим жараён. Бизда ҳеч қандай хаёлпарастликлар йўқ. Асосийси ўйин, ҳар бир футболчи майдонда борини бериб жамоанинг ғалабасига ҳисса қўшишни истайди ва буни жамоамиз учун қиламиз", - деди германиялик футболчи.

Маълумот учун, мюнхенликлар Бундеслиганинг 8-туридан сўнг 24 очко билан пешқадамлик қилмоқда.