Ким қолди? Бадавлат клуб яна бир етакчисидан айрилади
- 4-август, 19:08
- Zohir Toshxo’jayev
- 0
- Футбол
Маҳоратли ярим ҳимоячи Жоэлинтон жорий ёзда “Ньюкасл”ни тарк этиши мумкин бўлган навбатдаги йирик футболчига айланиши эҳтимоли бор.
Бу ёзда “Ньюкасл” аллақачон Энтони Гордон ва Сандро Тоналидан айрилди. Шунингдек, Бруно Гимараэс ҳам “Арсенал”га ўтиш арафасида экани ҳақида хабарлар тарқалмоқда.
Бундан ташқари, “Ньюкасл”ни бошқарган машҳур мутахассис Эдди Хау ўз хоҳишига кўра клубни тарк этганини расман тасдиқлади.
The Guardian маълумотига кўра, эндиликда “Ньюкасл” ёш футболчиларга таянишни режалаштирмоқда ва Жоэлинтон бўйича бошқа клублардан тушадиган таклифларни кўриб чиқишга тайёр.
Шу ойда 30 ёшга тўладиган Жоэлинтон Яқин Шарқ клубларидан жуда жозибадор таклиф олган ва уни қабул қилишга тайёрлиги айтилмоқда.
Жоэлинтон 2019 йилдан буён “Ньюкасл” сафида тўп суриб келмоқда. Ўтган мавсумда у Премьер-лигада 27 та, Чемпионлар лигасида эса 10 та учрашувда майдонга тушди.