Ким олса, олаверсин! “Манчестер Сити” Энцо Фернандесдан юз ўгирди

Таниқли инсайдер Фабрицио Романо “Манчестер Сити” мутасаддилари “Челси” етакчиси  Энцо Фернандес билан музокаралар олиб борилаётгани ҳақидаги хабарларни рад этди.

Унинг сўзларига кўра, “Реал” билан эҳтимолий келишув амалга ошмаганидан кейин ҳам “Манчестер Сити” раҳбарияти аргентиналик ярим ҳимоячи билан ҳеч қандай музокара ўтказмаяпти.

Романо таъкидлашича, Фернандеснинг келажаги жаҳон чемпионати якунланганидан кейин муҳокама қилинади.

25 ёшли футболчи 2023 йилда “Бенфика”дан “Челси”га 121 миллион евро эвазига ўтган эди. Унинг шартномаси 2032 йилгача амал қилади. Ўтган мавсумда Фернандес 54 ўйинда 15 та гол ва 7 та голли узатма қайд этган.