Кьеза: "Роналду жарима майдонига узатма беришимни доим талаб қиларди"

"Ливерпуль" вингери Федерико Кьеза "Ювентус"да Криштиану Роналду билан бирга ўйнаган даврларини эслади.

Роналду билан "Ювентус"да, Салоҳ билан эса "Ливерпуль"да ўйнадингиз. Улар инсонми ёки ўзга сайёраликми?

"Криштиану — супер футболчи. Лекин агар ўтган мавсум Чемпионлар лигаси финалига чиққанимизда, Муҳаммад Салоҳ "Олтин тўп"ни ютиши мумкин эди. Иккаласининг ҳам очлиги ва ғолиблик менталитети бир хил. Фақат бирида бешта "Олтин тўп" бор, иккинчисида эса йўқ."

Бошингизни паст қилиб ўйнайсиз деган танқидлар таъсир қиладими?

"Майли, бошимни паст қилиб ўйнайвераман. Бу мени хафа қилмайди. Карьерамга қаранг: мен совринлар ютдим, кучли клубларда ўйнадим.

Мен кўплаб голли узатмалар ҳам берганман. Улардан бири айниқса ёдимда — Роналдуга берган пасим. У билан ўйнаганда бошингизни кўтаришга тўғри келади. Криштиану доим: "Жарима майдонига, жарима майдонига!" деб бақирарди. У кўпроқ ҳаводан пас беришимизни талаб қиларди ва ҳақ эди. Чунки у бошқалардан икки баравар баландроқ сакрарди", — деди Кьеза.