Европа Чемпионлар Лигаси чорак финалидан ўрин олган дастлабки учрашув якунланди. Унда ПСЖ ҳамда "Аталанта" жамоалари ўзаро баҳс олиб борди. Бутун ўйин давомида ҳисобда олдинда борган бергамоликлар якунда ғалабани қўлдан чиқарди.
ПСЖ дарвозабони Кейлор Навас ушбу ўйинни жароҳат олиб, эрта тарк этишга мажбур бўлди. Гап шундаки, коста-рикалик посбон оёқ пайларини чўзиб олди ва 79-дақиқада Серхио Рикога ўз ўрнини бўшатиб берди. Унинг жароҳати қай даражада жиддий эканлиги тиббий текширувдан сўнг маълум бўлади.
Энди парижликлар финал олдидан "Атлетико" ва "Лейпциг" жамоалари ғолиби билан ўйнайди.
Изоҳлар (0)
Ҳозирча изоҳлар йўқ