Кейин хотиржам кутамиз! “Челси” зўр футболчи трансферини олдиндан ҳал қилиб қўймоқчи

“Челси” клуби келаси ёзда “Борнмут” ярим ҳимоячиси Алекс Скоттни сотиб олишни режалаштирган ва бу битимни имкон қадар тезроқ келишиб олишга умид қилмоқда.

Лондонликлар ўтган ёзда ҳам Скоттни таркибига қўшишни истаган ва ҳатто 60 миллион фунт стерлинглик таклиф билан чиққан эди. Бироқ “Борнмут” бу таклифни дарҳол рад этган.

“Борнмут” бошиданоқ Скотт ва Эли Жуниор Крупи каби асосий футболчилари ёзги трансфер ойнасида клубни тарк этмаслигини маълум қилган. Шунинг учун “Челси”нинг футболчини қўлга киритиш борасида катта умиди йўқ эди.

Трансфер ойнаси ёпилган бўлса-да, “Челси” Скоттга бўлган қизиқишини йўқотмади. 23 ёшли англиялик футболчи Энцо Фернандес “Манчестер Сити”га сотилганидан кейин заифлашган ярим ҳимояни кучайтириш бўйича клубнинг устувор мақсади бўлиб қолмоқда.

TEAMtalk хабар беришича, “Челси” Скоттни қишки трансфер ойнасида қўлга киритишга умид қилмаяпти. Бироқ келаси ёзда бу трансфер амалга ошиши мумкин, чунки ўша вақтга келиб Алекснинг шартномаси тугашига атиги 12 ой қолади.

Бундан ташқари, “Челси” келаси ёзни кутмасдан, “Борнмут” билан музокараларни олдиндан бошлашга тайёр. Бу “аристократлар”га келажак режаларини яхшироқ тузиш ва Алекснинг нархи ошиб кетиши ҳамда футболчи учун рақобат кучайиши хавфини истисно қилиш имконини беради.