Кевин де Брюйне ўрнини “Реал” футболчиси эгаллайди
- 30-октябр 2025, 13:47
- Zohir Toshxo’jayev
- 0
- Футбол
“Манчестер Сити”да ўн йил тўп тепганидан кейин Кевин де Брюйне Италиянинг амалдаги чемпиони “Наполи” сафига кўчиб ўтган эди.
Бельгиялик плеймейкернинг неаполликлар таркибидаги дебют мавсуми жуда яхши бошланган эди. Аммо жамоа етакчисига айланган футболчи оғир жароҳатга йўлиқди. Даволаниш муддати камида тўрт ойни ташкил қилиши боис, “Наполи” унинг ўрнига бошқа ўйинчи оладиган бўлди
Sky Sports нашрининг ёзишича, “Наполи” Кевин де Брюйне ўрнига “Реал”нинг асосий таркибига киришга қийналаётган Даниэль Себальосни олиб келишни режалаштирмоқда.
29 ёшли футболчининг трансфери январь ойида амалга оширилиши кутиляпти. Жорий мавсумда барча турнирларда саккиз маротаба майдонга тушган ярим ҳимоячи Transfermarkt портали томонидан 8 миллион еврога баҳоланмоқда.