Кэррик “Манчестер Юнайтед” бош мураббийлигига тайинланди

"Манчестер Юнайтед" Майкл Кэррикни жамоа бош мураббийи этиб тайинлаганини расман эълон қилди. Илгари у ушбу лавозимни "вазифани бажарувчи" қўшимчаси билан эгаллаган.

"Қизил иблислар" Кэррик келаси мавсумда жамоани бошқаришини маълум қилди. ОАВ маълумотларига кўра, томонлар 2028 йилгача мўлжалланган янги шартномани имзоладилар.

Кэррик 13 январь куни Рубен Аморим ишдан бўшатилгандан сўнг "Манчестер Юнайтед"ни бошқаришни бошлади. Унинг бош мураббий сифатидаги биринчи меҳнат шартномаси 2026 йилнинг ёзига қадар мўлжалланган эди. 44 ёшли мутахассис қўл остида "Манкуниан" Англия чемпионатининг 15 ўйинида 10 та ғалабага эришди ва кейинги мавсумда Чемпионлар лигасига йўл олди.