Кэррик келгач, "Манчестер Юнайтед" анча самаралироқ очко жамғармоқда

"Манчестер Юнайтед" Майкл Кэррик бошқарувида АПЛда анча яхшироқ натижа кўрсатмоқда.

44 ёшли мутахассис 13 январь куни жамоа бош мураббийи этиб тайинланганди. Унга қадар Рубен Аморим истеъфосидан кейин жамоани икки ўйинда (улардан бири АПЛда) Даррен Флетчер бошқарган.

34-турда "Брентфорд" устидан 2:1 ҳисобидаги ғалабадан кейин манкунианликлар ҳисобида 34 учрашувда 61 очко мавжуд.

Аморим бошқарувида "Манчестер Юнайтед" мавсумнинг дастлабки 20 ўйинида 31 очко жамғарган бўлса, кейинги 14 турда Кэррик қўл остида жамоа 30 очко ишлаб олди.

МЮ айни пайтда Англия Премьер-лигаси жадвалида 3-ўринни эгаллаб турибди.