Каземирога Англиянинг ўзидан зўр иш чиқди
- 11-март, 08:14
- Zohir Toshxo’jayev
- 0
- Футбол
“Манчестер Юнайтед”дан жуда катта маош олаётган бразилиялик ярим ҳимоячиси Каземиро жорий мавсум тугаганидан кейин Лондонга кўчиб ўтиши мумкин.
Бу ҳақда Topskills Sports хабар бермоқда.
Манба маълумотига кўра, “Арсенал” мутасаддилари 34 ёшли футболчини эркин агент мақомида ўз таркибига қўшиб олиш учун Каземиронинг агентлари билан боғланган ва бу масалани муҳокама қила бошлаган.
Каземиро “канонирлар” бош мураббийи Микель Артетага ёқади ва испаниялик мутахассис тажрибали ярим ҳимоячининг келиши клубга йирик совринлар ютишга ёрдам беради, деб ҳисоблайди.
Шу билан бирга, Каземирога “Милан” ва “Ювентус” каби Италия клубларидан чорлов бўляпти.
Сўнгги маълумотларга қараганда, Каземиро Англия Премьер-лигасида қолиш вариантини маъқул кўрмоқда ва унга “Арсенал” таклифи маъқул келгани айтилмоқда.