Каземиро қаерда ўйнаши ҳал бўлди

“Манчестер Юнайтед” ярим ҳимоячиси Каземиро “Интер Майами”га ўтиш бўйича музокараларнинг якуний босқичида турибди, деб хабар бермоқда журналист Фабрицио Романо ўзининг X ижтимоий тармоғидаги саҳифасида.

Футболчи жамоага ўтиш ва Лионель Мессининг жамоадошига айланиш истагини катта даражада билдирмоқда. Эркин агент сифатидаги бепул трансфер АПЛнинг сўнгги туридан кейин якунланиши керак.

Аввалроқ Каземиро мавсум якунида шартнома муддати тугагач, “Манчестер Юнайтед”ни тарк этиши хабар қилинган эди. Шунингдек, футболчи Бразилия терма жамоасининг 2026 йилги жаҳон чемпионати учун қайдномасига киритилган.

Футболчи 2022 йилда Мадриднинг “Реал” клубидан “Манчестер Юнайтед”га ўтган эди. Жорий мавсумда Каземиро манчестерликлар сафида 35 та ўйинда қатнашиб, тўққизта гол ва иккита голли узатмани ўз ҳисобига ёздирди. Transfermarkt портали маълумотига кўра, футболчининг бозор қиймати 8 миллион еврони ташкил қилади.