Карвахаль: "Қийин зарбалардан сўнг кўтарилиш вақти келди"

"Реал" ҳимоячиси Карвахаль жамоа Лига чемпионларидаги мағлубиятдан сўнг энди охирги босқичда бор кучи билан курашиши кераклигини таъкидлади. Мадридликлар 1/4 финалда "Арсенал"га икки ўйин натижасида (0:3, 1:2) ютқазиб, мусобақадан четлатилганди.

— Ҳозир биз учун ҳал қилувчи палла. Бундай оғир зарбалардан кейин кўтарилиш вақти келди. Олдимизда чемпионат ва Испания кубоги финали турибди. Энди биз қадам ташлашимиз, кўтарилишимиз ва титутллар учун курашишимиз шарт, — дея таъриф бериб ўтди испаниялик футболчи.

Айни пайтда "Реал" Ла Лигада 69 очко билан 2-ўринда боряпти. Улар пешқадам "Барселона"дан 4 очкога орқада. Жамоалар 26 апрель куни Испания кубоги финалида тўқнаш келади.