Каннаваронинг Ўзбекистон терма жамоасидаги асосий муаммосини нима?

Камерун миллий терма жамоасининг собиқ бош мураббийи Валерий Непомнящий Ўзбекистон терма жамоасининг Жаҳон чемпионатидаги иштироки ҳақида фикр билдирди.

Унинг таъкидлашича, Фабио Каннаваро жуда қисқа вақт ичида футболчиларнинг имкониятларини тўлиқ ўрганишга улгурмаган.

"Каннаваро шунча қисқа вақт ичида футболчиларнинг имкониятларини тўлиқ ўрганишга улгурмади. У замонавий схема ва тактикалардан фойдаланишга ҳаракат қилди, аммо футболчилар бу талабларни бажара олмади. Менимча, жамоа билан ишлашда Тимур Кападзе қолганида анча тўғри ва самарали бўларди. Ўзбекистон футбол федерацияси мамлакат футболи ривожи учун жуда катта ишлар қилмоқда. Шунинг учун Каннаваронинг келажаги бўйича исталган қарорни қабул қилишга ҳақли. Ўзбекистон терма жамоаси катта ўсишга эришди. Футбол орқали бутун дунё уларни таниди. Улар муносиб ҳаракат қилишди ва қўлларидан келган максимал натижани кўрсатишди", — деди Непомнящий.

Эслатиб ўтамиз, Каннаваро 2025 йил октябрь ойида Тимур Кападзе ўрнига бош мураббий этиб тайинланган эди.