Камолиддин Тожиев: "Барибир ўтган ўйинларда кўп куч йўқотганимиз сезилди"

“Пахтакор” – “Машъал” (2:1) ўйинидан кейинги матбуот анжуманида мезбонлар бош мураббийи Камолиддин Тожиев матбуот анжуманида қатнашди.

- Ўйинни яхши бошладик. Гол урдик, биринчи таймдан кейин 2:0 ҳисобида танаффусга чиқдик. Барибир ўтган ўйинларда кўп куч йўқотганимиз сезилди. Гол ўтказиб юбордик. Охирида яна ўтказиб юборишимиз ёки гол ҳам уришимиз мумкин эди. Муҳими, уч очкони қўлга киритдик.

- Май ойида терма жамоа йиғини бошланади ва “Пахтакор”дан ҳам ўйинчилар жалб қилинади. Ушбу ойда эса Ўзбекистон Кубоги гуруҳ босқичи ўйинлари бўлиб ўтади. Бу қийинчилик туғдирмайдими?

- Қийинчилик туғдиради. Ўйнаш керак экан ўйнаймиз. 7-8 нафар футболчимиз терма жамоага чақирилади.

- Акангиз Зайниддин Тожиев “Ғазалкент” жамоасига бош мураббийлик қилмоқда. Кубокда акангиз бошқарувидаги жамоага қарши тўқнаш келиб қолишингиз мумкинлиги борасида қандай қарайсиз?

- Яхши, қизиқарли ўйин бўлади.

- Ироқлик Тахсин терма жамоаси билан жаҳон чемпионатига чиқди ва клубга қайтиб келди. Аммо уни келиш муддати чўзилиб кетгандик, масалан “Пахтакор” билан ўйинга ҳам келса бўларди. Клуб бу нарсага рози бўлиб рухсат бердими?

- Кўп йўл юрди. Ироққа борган ва самолёт учмаган, у ерда қолиб кетган. Рухсат берганимиз йўқ. Лекин самолёт учмаганига қолиб кетди. Биз ҳам кутгандик, шунақа бўлиб қолди.