Кабо-Верде тарихий мундиални муносиб тарзда якунлади

Кабо-Верде терма жамоаси Жаҳон чемпионати 1/16 финалида Аргентинага қўшимча вақтларда 2:3 ҳисобида мағлуб бўлиб, мусобақа билан хайрлашди.
⠀
Бу Африка вакили учун тарихдаги илк Жаҳон чемпионати бўлди. Жамоа дебют турнирида муносиб иштирок этиб, асосий вақтда бирор марта ҳам мағлубиятга учрамади.
⠀
Гуруҳ босқичида Кабо-Верде Испания (0:0), Уругвай (2:2) ва Саудия Арабистони (0:0) билан дуранг ўйнаб, плей-офф йўлланмасини қўлга киритган эди.
⠀
Аргентинага қарши баҳсда ҳам Бубишта шогирдлари характер намоён қилди. Жамоа 59 ва 103-дақиқаларда ҳисобни икки марта тенглаштирди, аммо қўшимча вақт охирида ўтказиб юборилган гол сабаб мусобақани тарк этди.
⠀
Шунга қарамай, Кабо-Верде ўзининг илк Жаҳон чемпионатидаги иштироки билан кўпчилик эътиборини тортди ва турнирнинг энг ёрқин сюрпризларидан бирига айланди.