Жюль Кунде ПСЖнинг "Барселона"дан кучли эканлигини тан олди

Луис Энрике бошқарувидаги ПСЖ Чемпионлар лигаси гуруҳ босқичи учрашувида "Барселона"ни 2:1 ҳисобида мағлубиятга учратди. Беллашувдан сўнг каталонияликлар футболчиси Жюль Кунде парижликларнинг кучли ўйин намойиш этганини таъкидлади.

"ПСЖ биздан жисмоний жиҳатдан кучлироқ эди. Биз хоҳлаганимизча босим қила олмадик. Менимча, айнан шу нарса етишмади. Шуни қайд этиш керакки, рақиб жуда яхши ўйин кўрсатди. Биз натижадан бир оз хафамиз, лекин ҳайрон қолмадик. Биз бу жамоанинг даражаси юқори эканини биламиз. Улар ўзларига ишонган ва жуда юқори савиядаги футболчиларга эга жамоа. Улар Чемпионлар лигаси ғолиби эканини исботладилар. Қийин ўйин бўлди, аммо улар яхшироқ ўйнашди", – деди франциялик ҳимоячи.

Маълумот учун, Ҳанси Флик шогирдлари 2-турдан сўнг 3 очко жамғариб, турнир жадвалида 16-ўринни эгаллаб турибди.