Жоржина Родригес Роналду Ўзбекистонга урган голларига қандай муносабат билдирди?

Португалия терма жамоаси сардори Криштиану Роналдунинг севгилиси Жоржина Родригес жаҳон чемпионати гуруҳ босқичида Ўзбекистонга қарши ўйин (5:0) пайтида юлдуз футболчини ўзгача тарзда қўллаб-қувватлади. 

Модель ўзининг инстаграмдаги саҳифасида уй шароитида туширилган суратни жойлаштирди. Расмда у Португалия терма жамоасининг афсонавий еттинчи рақамли формасини кийган ҳолда, орқа фонда эса ўйин намойиш этилаётган телевизор акс этган.

Жоржина суратни қисқа ва лўнда тарзда «Match day» деб изоҳ қолдирди ва бир неча қизил юрак шаклидаги смайллар қўшди.

Бундай руҳий қўллаб-қувватлаш Роналдуга майдонда ҳам куч бағишлаганга ўхшайди. Португалия – Ўзбекистон учрашуви 5:0 ҳисобида якунланди. Криштиану Роналду дублга эришиб, тарихда кетма-кет олти жаҳон чемпионатида гол урган илк футболчига айланди.