Жон Стоунзга жиддий иш чиқди

Бундеслига чемпиони “Бавария” мавсум якунида “Манчестер Сити”ни тарк этадиган тажрибали марказий ҳимоячи Жон Стоунзни ўз таркибига қўшиб олиш ҳаракатини бошлади.

Бу ҳақда Daily Mail хабар берди.

Манбанинг таъкидлашича, агар Мюнхен клубини 31 ёшли тажрибали футболчини эркин агент сифатида ўз сафига бепул қўшиб олиш имконияти жиддий қизиқтирмоқда.

Англиялик ҳимоячи 2016 йилнинг ёзидан буён “Манчестер Сити”да ўйнаб келмоқда ва 30 июнь куни унинг амалдаги шартномаси ўз якунига етади.

Жорий мавсумда Стоунз барча мусобақаларда 17 та ўйинда майдонга тушди холос. У охирги вақтларда жароҳати кўпайиб кетгани ва жисмоний ҳолати туфайли асосий таркибдаги ўрнини бой берган.

Transfermarkt портали маълумотларига кўра, футболчининг бозор қиймати 15 миллион еврони ташкил қилади.