Жон Стоунз Ҳусанов ҳақида илиқ фикр билдирди

“Манчестер Сити” ҳимоячиси Жон Стоунз жамоадоши Абдуқодир Ҳусанов ҳақида юқори фикр билдирди.

"Жамоамиз сафидаги барча марказий ҳимоячилар қолганлар каби суперюлдузлар. Ҳар бирининг ўзига хос кучли жиҳати бор.

Масалан, Ҳусанов. У жамоага тилни яхши билмасдан, ёш ҳолда келди. Дебюти ҳам осон кечмаганди, аммо шундан кейин жуда яхши ўйинлар кўрсатди.

У ўсди ва очилди. Унинг тезлиги ҳамда ҳимоя чизиғидаги вазиятни ҳис қилиши ҳайратланарли. Мен унинг янада ўсишини интиқлик билан кузатаман", — деди Стоунз.