Жоан Гарсия: "Ламинда жиддий муаммо йўқлигига умид қиламиз"

"Барселона" дарвозабони Жоан Гарсия жамоадоши Ламин Ямалнинг жароҳати ҳақида фикр билдирди.

"Албатта, ҳар қандай жамоадошимиз учун қайғурганимиз каби Ламин учун ҳам хавотирдамиз, худди Жоау билан бўлгани каби. Ямалда жиддий муаммо йўқлигига ва унинг имкони қадар тезроқ қайтишига умид қиламиз", — деди Гарсия.

Испания чемпионатининг 33-турида "Барселона" ўз майдонида "Сельта"ни 1:0 ҳисобида мағлуб этди. Учрашувдаги ягона голга Ламин Ямал муаллифлик қилди — у биринчи бўлим сўнггида рақиб дарвозасини ишғол этди, бир неча дақиқадан кейин эса жароҳат сабаб майдонни тарк этди.

18 ёшли футболчи жорий мавсум барча мусобақаларда 45 ўйин ўтказиб, 24 та гол урди ва 18 та голли узатма амалга оширди.