Жезуш ҳам Роналду сабаб жазога тортилади

Португалия миллий терма жамоаси бош мураббийи Жорже Жезуш ҳужумчи Криштиану Роналду билан юзага келган низо сабабли интизомий иш доирасида текширув объектига айланиши мумкин.

Бунга миллий жамоа бош мураббийининг ўз капитанига нисбатан номақбул хатти-ҳаракатлари эҳтимолий сабаб сифатида кўрсатилмоқда. Бу ҳақда Cabine Desportiva ижтимоий тармоқдаги X саҳифасида Correio da Manhã нашрига таяниб хабар берди.

Эслатиб ўтамиз, Жезуш 27 сентябрь куни Норвегияга қарши Миллатлар лигаси учрашуви вақтида Роналдуни бадан қиздиришга юборган, бироқ майдонга туширмаган.

30 сентябрь куни 41 ёшли ҳужумчи Португалия терма жамоаси ихтиёрини ўзбошимчалик билан тарк этган. 6 октябрь куни футболчи ўз қарорини изоҳлаб, Жезушни берган ваъдаларини бузганликда айблаган баёнот билан чиқди.