Жеррард “Ливерпуль”нинг нозик нуқтасини топиб берди
- 31-август, 15:03
- Ali Ahmadxo’jayev
- 0
- Футбол
“Ливерпуль” афсонаси Стивен Жеррард ёзги трансфер ойнаси ёпилгунга қадар “қизиллар” қайси позицияни кучайтириши кераклигини айтди.
Хабарларга кўра, “Ливерпуль” ёзги трансфер ойнаси ёпилгунга қадар икки нафар ҳужумкор футболчи билан шартнома имзоламоқчи. Улардан бири ПСЖ ҳужумчиси Брадли Баркола бўлиши керак.
Бироқ Жеррард “Ливерпуль”га таянч ярим ҳимоячи ҳам жуда зарурлигини таъкидлади. Бу эҳтиёж Премьер-лиганинг биринчи турида “Ньюкасл” билан 2:2 ҳисобида дуранг қайд этилган ўйинда ҳам яққол кўринди.
- Катта эътибор қаратилмаган бир позиция бор эди. Бу ҳақда фақат ўтган ҳафта “Ньюкасл”га қарши ўйиндан кейин гапира бошлашди. Менимча, уларга 6-рақам позициясида мутахассис футболчи керак.
Мураббийнинг жамоа қиёфаси бўйича бошқа ғоялари бўлиши мумкин, унинг ўз фалсафаси бор. Аммо менимча, бу жамоага тўпни тортиб оладиган футболчи етишмаяпти.
Марказни ушлаб турадиган ва Фабиньо каби жамоа умуртқасининг муҳим қисмига айланадиган футболчи етишмаяпти.
Менимча, уларга бундай футболчи жуда зарур. Уларда айнан шу позиция бўйича мутахассис йўқ.
Бундай футболчи ҳимоя тўртлигини хавфсизроқ қилган бўларди ва Собослаи, Гравенберх ҳамда Макаллистерларга ҳужумларга кўпроқ қўшилиш имконини берган бўларди.
Менимча, уларга айнан шу позициядаги футболчи жуда етишмаяпти, - деди Жеррард TNT Sports нашрига.