ЖЧ саралаши. Австрия 10 та гол урди, Дания ва Нидерландия ҳам ўта йирик ҳисобда ғалаба қозонди. Хорватия эса Чехия билан дуранг ўйнади

Жаҳон чемпионати саралашидан ўрин олган бир неча тўқнашувлар ўз ниҳоясига етди. 
 
Ральф Рангник бошқарувидаги Австрия терма жамоаси ўз уйида Сан-Маринони қабул қилиб, 10:0 ҳисобида таслим этди. Энг қизиғи шундаки, дарвозабондан ташқари барча футболчи голларда иштирок этди. 
 
Шунингдек, Дания сафарда Беларусияни 6:0 ҳисобида мағлубиятга учратган бўлса, юлдузли таркибга эга Нидерландия эса Малта устидан 4:0 ҳисобида муваффақиятга эришди. 
 
Чехия эса Хорватия билан ўз майдонида тўқнаш келиб, нурсиз 0:0 ҳисобидаги дурангга имзо чекди.