"ЖЧ-2026". "H" гуруҳида Испания пешқадам, 2 жамоада эса 2 очкодан мавжуд

2026 йилги Жаҳон чемпионати "H" гуруҳида иккинчи тур учрашувларидан сўнг вазият янада қизиқ тус олди.

Испания терма жамоаси икки турдан кейин 4 очко жамғариб, гуруҳ пешқадами бўлиб турибди. Испанлар Саудия Арабистони устидан 4:0 ҳисобидаги йирик ғалаба орқали тўплар нисбатини +4 га етказди ва плей-оффга чиқиш учун жуда қулай ҳолатга эга бўлди.

Иккинчи ва учинчи ўринларни мос равишда Уругвай ҳамда Кабо-Верде эгаллаб турибди. Ҳар икки жамоа ҳисобида 2 очкодан мавжуд бўлиб, тўплар нисбати ҳам бир хил — 0.

Саудия Арабистони эса икки турдан кейин 1 очко билан сўнгги поғонада қолмоқда. Жамоанинг тўплар нисбати −4 ни ташкил этяпти.

Шу тариқа, Испаниядан ташқари қолган уч жамоа ҳам плей-офф учун имкониятларини сақлаб қолган. Гуруҳдаги сўнгги тур учрашувлари йўлланмалар тақдирини ҳал қилиб беради.

H гуруҳи жадвали:

Испания — 4 очко (+4)
Уругвай — 2 очко (0)
Кабо-Верде — 2 очко (0)
Саудия Арабистони — 1 очко (-4)