"ЖЧ–2026": "А" гуруҳида 1-тур ўйинлари якунланди

Жаҳон чемпионати расман старт олди. Турнирнинг очилиш ўйинида мезбонлардан бири бўлган Мексика терма жамоаси Жанубий Африкани 2:0 ҳисобида мағлуб этди.

Мехико шаҳридаги машҳур "Ацтека" стадионида ўтган баҳснинг 9-дақиқасида Хулиан Киньонес мундиалнинг илк голига муаллифлик қилди. Иккинчи бўлимда Рауль Хименес ҳисобни 2:0 кўринишига олиб келиб, жамоаси ғалабасини таъминлади.

Шу тариқа, "Ацтека" стадиони эркаклар ўртасидаги учта Жаҳон чемпионати учрашувларига мезбонлик қилган тарихдаги биринчи аренага айланди. У аввал 1970 ва 1986 йилги мундиалларда ҳам ўйинларни қабул қилган эди.

Мусобақанинг илк кунида яна бир учрашув бўлиб ўтди. Гвадалахара шаҳридаги "Акрон" стадионида Жанубий Корея Чехия устидан 2:1 ҳисобида ғалаба қозонди.

Учрашувда ҳисобни чехиялик Ладислав Крейчи очди. У Владимир Цоуфалнинг аниқ ташлаб берган тўпидан кейин бош билан гол урди.

Бироқ Жанубий Корея тез орада жавоб қайтарди. Аввал Хван Ин Бём ҳисобни тенглаштирди, кейин эса О Хён Кю 80-дақиқада ғалаба голини киритди.

Шундай қилиб, Жаҳон чемпионати–2026нинг биринчи куни қизиқарли ва сермазмун воқеаларга бой тарзда якунланди.

Шу тариқа, 1-турдан Мексика ва Жанубий Корея 3 очкодан тўплаган ҳолда, биринчи ва иккинчи ўринларни банд қилиб турибди.