Жавоб аниқ! Гвардиоланинг музокараси бир дақиқа давом этди

Хосеп Гвардиола билан Италия футбол федерацияси (FIGC) ўртасида уни миллий жамоа бош мураббийи этиб тайинлаш масаласида бўлиб ўтган суҳбат атиги бир дақиқа давом этган.

Бу ҳақда ESPN журналисти Габриэле Маркотти Х ижтимоий тармоғида маълум қилди.

Суҳбат давомида Гвардиола камида бир йиллик танаффус қилиш нияти борлигини айтган. Қайд этилишича, сўнгги ҳафталарда унга бошқа миллий терма жамоалар, жумладан Нидерландия терма жамоаси ҳам мурожаат қилган.

Хосеп Гвардиола ўтган мавсум якунланганидан кейин “Манчестер Сити” бош мураббийлиги лавозимини тарк этди.

У 2016 йилдан буён клубни бошқариб, қуйидаги ютуқларга эришди:

• Англия чемпиони — 6 марта;
• Англия кубоги соҳиби — 3 марта;
• Англия Суперкубоги соҳиби — 3 марта;
• Чемпионлар лигаси ғолиби;
• УЕФА Суперкубоги соҳиби;
• Клублар ўртасидаги жаҳон чемпионати ғолиби.

Бундан аввал Гвардиола “Барселона” ва “Бавария” клубларини ҳам бошқарган.