Жасур Алижонов: "Рамазон Темиров ва Асу Алмабаев жанги "стойка"да бўлиб ўтади, бироқ тўлиқ давом этмайди"

UFC жангчиси, ҳамюртимиз Рамазон Темиров ва қозоғистонлик Асу Алмабаев тўқнашуви расман белгилангач, қўшниларимизнинг ОАВ лари ҳам ўзбекистонлик ММА устасига катта эътибор қаратмоқда. "Sports.kz" республика интернет портали мухбири Темировнинг мураббийи Жасур Алижонов билан боғланиб, у билан интервью ташкил этди. Қуйида ушбу интервьюни сизга ҳавола этамиз.

— Жасур, айтингчи, Рамазон ва Асу ўртасидаги жанг ғояси қандай пайдо бўлди?
— Бу UFC нинг таклифи эди ва биз буни қабул қилдик. 

— UFC тарихда илк бор Қозоғистон ва Ўзбекистон ўртасида принципал қарама-қаршиликка дуч келади. Шахсан сиз бу жангдан нималар кутяпсиз?
— Шахсан мен бу ерда ҳеч қандай принципалликни кўрмаяпман. Бу шунчаки спорт. Биз Қозоғистон халқи билан дўстмиз ва келажакда ҳам шундай бўлиб қоламиз.

— Жангга тайёргарлик бошландими?
— Ҳа, тайёргарлик қизғин давом этмоқда. Биз имкон қадар яхши тайёргарлик кўриш ва ғалаба қозониш учун ҳамма нарса қиламиз.

— Рамазон "стойка"да яққол устунликка эга, Алмабаев эса курашда. Ушбу баҳс услублар тўқнашуви бўладими?
— Менимча, ҳа. Ишончим комил, бу жуда ҳам томошабоб жанг бўлади.

— Асуни партерда нимадир билан ажаблантира оласизларми?
— Биз ҳамма нарсага тайёрмиз. Ҳам "стойка"да, ҳам курашда.

— Темиров учун Алмабаев билан тўқнашув фаолиятидаги асосий жанглардан бири, деб айта оласизми?
— Ҳа, биз учун бу чемпионлик йўлидаги жиддий синов бўлади.

— Кўпчилик бу кураш қандай ўтиши билан қизиқмоқда. Баъзилар жанг партерда узоқ давом этади, деб ўйлаяпти. Сизнинг прогнозингиз қандай?
— Ушбу қарама-қаршилик "стойка"да бўлиб ўтади, бироқ тўлиқ давом этмайди, деб ўйлайман. Фақатгина энг зўр жангчи ғалаба қозонсин!