Жастин Гэтжи ва Арман Царукян жанги қандай кечади?

UFC собиқ чемпиони Исраэль Адесанья енгил вазнда амалдаги чемпион Жастин Гэтжи ва Арман Царукян ўртасидаги эҳтимолий жанг ҳақида гапирди. 

"Услуб жиҳатдан мен Жастиндан техник, аммо бироз тартибсиз ҳужумларни кутяпман. Арман эса курашга таянишга мажбур бўлади. У "UFC 331" турнирида қилган ишини янада юқори даражада такрорлаши керак. Менимча, Царукян учун ғалабага энг қисқа йўл — Хабиб Нурмагомедов қўллаган режадан фойдаланиш. “Бургут” "UFC 254" турнирида Гэтжини жуда ишончли тарзда енгганди. Ўхшаш тактика Царукянни ҳам UFC камарига олиб бориши мумкин", — дея Адесаньянинг сўзларини келтирди "Yahoo Sports".

Эслатиб ўтамиз, Жастин келаси йил октагонга қайтиши ёки фаолиятини якунлаши ҳақида тез-тез гапирмоқда. Агар бу ҳақиқатга айланса, енгил вазндаги ҳолат бутунлай ўзгариб кетиши мумкин.