Жаҳон тожи учун мукофот эълон қилинди

Шахмат бўйича 2026 йилги Жаҳон тожи учун баҳснинг мукофот жамғармаси эълон қилинди

ФИДЕ амалдаги жаҳон чемпиони Гукеш Домаражжу ва даъвогар Жавоҳир Синдаров ўртасидаги жаҳон чемпионлиги учрашувининг расмий регламентини 

Баҳс 14 та классик партиядан иборат бўлади, агар қайсидир шахматчи 7,5 очко тўпласа, баҳс муддатидан олдин якунланади. Агар 14 та партияда ҳисоб тенг келса, ғолиб тай-бреклар орқали аниқланади.

Турнирнинг жами мукофот жамғармаси 2,5 млн АҚШ доллари бўлади, ҳар бир ғалаба учун 200 минг доллар берилади.

Пул қандай тақсимланади?

Аввал ҳар бир шахматчига ютган партияси учун 200 минг доллардан ажратилади. Жамғармада қолган пул эса иккала иштирокчига тенг бўлиб берилади.

Масалан: бир шахматчи 3 та, рақиби 2 та партияда ғалаба қозонди, қолган 9 та партия дуранг бўлди.

Бунда ғалабалар учун биринчисига 600 минг, иккинчисига 400 минг доллар ажратилади. Қолган 1,5 миллион доллар тенг бўлинади — ҳар бирига яна 750 минг доллардан.

Натижада:
Чемпион — 1 миллион 350 минг доллар;
Иккинчи ўрин соҳиби — 1 миллион 150 минг доллар олади.

Истиснолар ҳам бор. Қуйидаги ҳолатларда чемпионга 1,3 миллион, рақибига 1,2 миллион доллар берилади:

- ғолиб тай-брекда аниқланса;
- 13 та партия ғалаба билан, биттаси дуранг билан тугаб, якуний ҳисоб 7,5:6,5 бўлса;
- барча 14 та партия ғалаба билан тугаб, якуний ҳисоб 8:6 бўлса.