Жаҳон чемпионини 77 миллион фунтга сотамиз

TEAMtalk нашри хабарига кўра, Англиянинг амалдаги чемпиони “Арсенал” бу ёзда Испания терма жамоаси сафида жаҳон чемпиони бўлган Мартин Субимендини “Челси”га 77 миллион фунт стерлинг эвазига қўйиб юборишга тайёр.

Хаби Алонсо Субимендини яхши билади, чунки у “Реал Сосьедад”нинг захира жамоасида ишлаган пайтида ярим ҳимоячи билан бирга фаолият юритган. Ўшандан бери кўп нарса ўзгарди: Алонсо “Байер Леверкузен”ни тарихдаги илк Бундеслига чемпионлигига ва мағлубиятсиз ўтган мислсиз мавсумга олиб келди, шундан сўнг “Реал Мадрид”даги фаолияти омадсиз кечди.

Мартин Субименди эса Испания терма жамоасига Европа чемпионати ва жаҳон чемпионатида ғолиб чиқишга ёрдам берди. Шуни ҳам таъкидлаш керакки, у 2026 йилги жаҳон чемпионати фақат финал учрашувида иштирок этди. Шунингдек, у Англиядаги биринчи мавсумида “Арсенал” билан Премьер-лига чемпиони бўлди.

Бу мавсумда Алонсо Субимендига қарши майдонга тушади, деб кутилганди, чунки 44 ёшли мураббий “Челси”ни бошқарадиган бўлди. Аммо сўнгги кунларда Алонсо “Челси” Субимендини ўз сафига қўшиб олишини исташи ҳақида кутилмаган хабарлар пайдо бўлди. Испаниялик мутахассис бу футболчини аввал ҳам “Реал Мадрид”да кўришни истаган.

“Арсенал”нинг Бруно Гимарайнсни 75 миллион фунт стерлингга сотиб олгани Мартин Субимендининг “Челси”га эҳтимолий ўтиши учун йўл очади.

TEAMtalk нашри вакилларининг таъкидлашича, гарчи “Арсенал” 27 ёшли футболчини ҳар қандай йўл билан сотишга уриниш ниятида бўлмаса-да, юқори баҳо ҳам унинг савиясини, ҳам келганидан атиги 12 ой ўтиб олиш мумкин бўлган катта фойдани акс эттиради.