Жаҳон чемпионатида драматик дуранг: Жазоир ва Австрия 3:3 ўйнади

Жаҳон чемпионати гуруҳ босқичи 3-турида Жазоир ва Австрия терма жамоалари ўртасидаги баҳс 3:3 ҳисобидаги жанговор дуранг билан якунланди.
⠀
Беллашувда ҳисобни 28-дақиқада Марко Арнаутович очди. Биринчи бўлимга қўшиб берилган вақтда Рафик Белгали мувозанатни тиклади.
⠀
Иккинчи бўлимда Марсель Забитцер 55-дақиқада Австрияни яна олдинга олиб чиқди. Орадан беш дақиқа ўтиб, Риёд Маҳрез ҳисобни тенглаштирди.
⠀
Асосий вақтга қўшиб берилган дақиқаларда ўйин янада кескин тус олди. 93-дақиқада Маҳрез ўзининг иккинчи голини киритиб, Жазоирни ғалабага яқинлаштирди. Бироқ 96-дақиқада Саша Калайджич ҳисобни яна тенглаштириб, Австрияни мағлубиятдан қутқариб қолди.
⠀
Шу тариқа, жамоалар мухлисларга голларга бой ва кескин баҳс тақдим этиб, майдонни биттадан очко билан тарк этди.