Жаҳон чемпионати. Феруза Казакова кейинги босқичга йўл олди

Хабарингиз бор, Англиянинг Ливерпуль шаҳри World Boxing шафелигида илк бор ўтказилаётган катталар ўртасида жаҳон чемпионатига мезбонлик қилмоқда.

Ҳозиргина -51 кг да ҳамюртимиз Феруза Казакова ва панамалик Юлиетт Хинестроза жанги якунланди. Тўлиқ 3 раунд давом этган баҳсда Казакова ҳакамларнинг якдил қарорига кўра ғалаба қозонди. Феруза учун кейинги жанг 9 сентябрь куни бўлиб ўтади. 

Эслатиб ўтамиз, бизни олдинда яна бир юртдошимиз Шавкатжон Болтаев ҳамда швециялик Кевин Скотт тўқнашуви кутмоқда.