Италияликлар машҳур дарвозабондан юз ўгирди

Италиянинг “Ювентус” клуби Англиянинг “Астон Вилла” жамоаси дарвозабони Эмилиано Мартинесни сотиб олиш режасидан бутунлай воз кечди.

Туринликлар аввал “Ливерпуль”нинг бразилиялик голкипери Алиссонни олиб кела олмаганидан кейин асосий эътиборини Мартинесга қаратган эди.

Бироқ клуб 33 ёшли аргентиналик посбон трансфери бўйича келишувга эриша олмади. “Ювентус” ушбу битимни жуда қиммат деб ҳисоблади.

Журналист Фабрицио Романонинг маълум қилишича, клуб бир неча кун аввал шу қарорни қабул қилган ва бу ҳақда “Астон Вилла” раҳбариятини хабардор этган.

Эндиликда “Ювентус” дарвозабон позициясини кучайтириш учун кўриб чиқаётган вариантлардан бири “Тоттенхэм” посбони Гульельмо Викарио ҳисобланади.