Италияда порлаган вундеркиндни Англияда кутишяпти

А Серия истеъдодларга бой. Ушбу лиганинг кучли клубларидан ҳисобланган “Аталанта” марказий ҳимоячиси Онест Аханор Англия Премьер-лигасининг бир нечта клублари эътиборини тортди.

Европадаги манбаларга кўра, 17 ёшли футболчи “Ньюкасл”, “Ноттингем Форест” ва “Тоттенхэм” клубларининг ёзга мўлжалланган трансферлар рўйхатига киритилди.

Шунингдек, уни Италиянинг ўзидан “Наполи” скаутлари ҳам диққат билан кузатиб келмоқда.

Аханор 2024 йилнинг ёзида “Женоа”дан “Аталанта”га кўчиб ўтиб, 2028 йилнинг ёзигача давом этадиган шартнома имзолаган эди. Шундан бери бергамоликлар сафида 23 ўйинда майдонга тушган ёш ўйинчи ҳимоядаги вазифаларини уддалашдан ташқари ўз ҳисобига битта гол ҳам урди.