Италия терма жамоасини бошқараман, деган битта мард чиқди
- 7-апрел, 18:27
- Zohir Toshxo’jayev
- 0
- Футбол
Босния ва Герцеговинадаги муваффақиятсизликдан сўнг янги бош мураббий қидираётган Италия, ҳозирча Женнаро Гаттузонинг ўрнини босувчи номзодни топмади. Ҳозирда Италия футбол федерацияси янги мураббий қидириш билан банд. Федерация бир нечта афсонавий футболчиларга таклиф билан чиқди, аммо ҳозирча ҳамма ҳам рози бўлаётгани йўқ.
Паоло Мальдини: Унга таклиф берилди, лекин Мальдини бу ишга унчалик қизиқиш билдирмаяпти.
Симоне Индзаги: Таклифни рад этди. Индзаги ҳозирда Арабистоннинг “Ал-Ҳилол” жамоасида ишлаётганидан мамнунлигини ва шартномаси борлигини айтди.
Алессандро Дель Пьеро: Унинг ҳам номи номзодлар орасида тилга олинмоқда.
Антонио Конте қайтадими?
Энг шов-шувли янгилик — Антонио Конте терма жамоага қайтишга тайёрлигига шаъма қилди. У илгари 2014–2016 йилларда Италияни бошқарган. Конте ўз интервьюсида шундай деди:
“Менинг номим бу рўйхатда бўлиши табиий. Мен терма жамоани яхши биламан. Ўз ватанинг шарафини ҳимоя қилиш — бу катта бахт. Ҳозирда “Наполи” билан шартномам бўлса-да, мавсум охирида президент билан бу масалани гаплашиб оламиз”.
“Наполи” клуби хўжайини Аурелио Де Лаурентис ҳам Контени ушлаб турмоқчи эмас. Унинг айтишича, агар Конте терма жамоага кетишни истаса, унга рухсат беради. Фақат президентнинг қўшимча қилишича, Италия футбол федерацияси аввал ўзидаги тартибсизликларни тўғрилаши керак, акс ҳолда ҳар қандай кучли мураббийга ҳам қийин бўлади.
Италия терма жамоаси мураббийлигига энг асосий ва жиддий номзод ҳозирча Антонио Конте бўлиб турибди.