Италия терма жамоаси собиқ юлдузи ўзига янги клуб топди

Италия терма жамоаси собиқ футболчиси Марио Балотелли фаолиятини Саудия Арабистонининг "Ал-Иттифоқ" клубида давом эттиради. 

Таниқли журналист Жанлука ди Марционинг берган хабарига кўра, 35 ёшли ҳужумчи Саудия Арабистони чемпионати аутсайдери бўлиб турган "Ал-Иттифоқ" клуби билан келишувга эришган. Футболчининг расмий таништирув маросими 12 январь куни бўлиб ўтиши мумкин. 2025 йилнинг кузида клуб президентига айланган Петро Латерсанинг шахсан  ўзи "Супер Марио"ни жамоада кўришни истаган. 

Маълумот учун, италиялик страйкер ўтган мавсумда "Женоа" сафида бор-йўғи 6та учрашувда майдонга тушиб, 56 дақиқа майдонда ҳаракат қилди.