Италия кубоги. "Наполи" пенальтилар сериясида "Комо"га енгилди

Италия кубоги чорак финалида "Наполи" ўз майдонида "Комо"га мағлуб бўлди.

Учрашув "Стадио Диего Армандо Марадона" стадионида бўлиб ўтди. Асосий вақт 1:1 ҳисобида якунланди, пенальтилар сериясида эса меҳмонлар 7:6 ҳисобида устун келди.

39-дақиқада меҳмонлар ярим ҳимоячиси Мартин Батурина пенальтидан ҳисобни очди. 46-дақиқада эса мезбонлар ҳужумчиси Антонио Вергара мувозанатни тиклади.

Асосий вақтда ғолиб аниқланмади. Пенальтилар сериясида Сеск Фабрегас бошқараётган жамоа аниқроқ ҳаракат қилди. "Наполи" сафида Ромелу Лукаку ва Станислав Лоботка пенальтидан фойдалана олмади. "Комо" томонида эса Максимо Перроне ўз зарбасини голга айлантира олмади.