Италия кубоги. "Лацио" — "Аталанта" жамоаларининг биринчи ўйини жанговар дуранг билан якунланди

Италия кубогининг ярим финал босқичидан ўрин олган "Лацио" — "Аталанта" жуфтлигининг илк учрашуви ўз ниҳоясига етди. Мазкур баҳс 2:2 ҳисобида якунланди.

Дастлаб, мезбонлар футболчиси Деле Баширу ҳисобни очган бўлса, 51-дақиқада Пашалич мувозанатни тиклади. 87-дақиқада эса Диа жамоасини олдинга олиб чиқди. Бироқ меҳмонлар Мусонинг 90-дақиқада киритган голи эвазига мағлубиятдан қутулиб қолди.

Шу тариқа, финалга йўл олган жамоа номи жавоб беллашувида аниқланади.