Исроил Мадримов ва Отабек Холматов вазнида чемпионлик жанглари белгиланди!

17 октябрь куни  АҚШнинг Карсон шаҳрида профессионал бокс оқшоми бўлиб ўтади.

Кечанинг марказий тўқнашувида биринчи ўрта вазнда WBC чемпиони Себастьян Фундора (24-1-1, 16 KO) мажбурий даъвогар Эрмал Хадрибея(23-0-1, 8 KO)га қарши жанг қилади.

Шу куни бокс мухлислари узоқ кутилган қайтишга ҳам гувоҳ бўлади: ўрта ва биринчи ўрта вазн тоифаларида собиқ жаҳон чемпиони бўлган Жермалл Чарло (34-0, 23 KO) яна рингга кўтарилади. Унга австралиялик Коэн Мазудье (16-4-1, 6 KO) рақиблик қилади. Ушбу баҳс 76,2 кг вазн тоифасида, ўн раунд этиб бегиланган.

Кечанинг яна бир муҳим тўқнашуви – ярим енгил вазндаги WBA чемпионлик жанги. Унда амалдаги чемпион Брэндон Фигероа (27-2-1, 20 KO) камарини Томоки Камеда (42-5, 23 KO)га қарши ҳимоя қилади. 

Маълумот учун, WBC нинг биринчи ўрта вазн тофиаси рейтингида таниқли боксчимиз Исроил Мадримов 8 ўринни эгаллаб турибди. Ярим енгил вазндаги WBA рейтингида эса яна бир ҳамюртимиз Отабек Холматов ҳам 8 ўринда бормоқда.