Исроил Мадримов: "Дмитрий Бивол билан жанг Теренс Кроуфорд учун ортиқчалик қилади"

Таниқли боксчимиз Исроил Мадримов америкалик Теренс Кроуфорднинг россиялик Дмитрий Биволга қарши потенциал имкониятларини баҳолади.

“Агар Теренс юқори вазн тоифасига чиқишни хоҳласа, бу жуда катта хато бўлади. У ерда вазн ва габарит жиҳатдан фарқ жуда катта. Мен Биволнинг услубини яхши биламан. Уни "Канело" сингари қарши зарба билан ушлашнинг иложи йўқ. Менимча, бу баҳс Кроуфорд учун ортиқча”, — деди Мадримов You Tube даги "Boxing Nation" каналига берган интервьюсида.

Маълумот учун, Исроил Мадримов охирги жангида Виржил Ортисдан очколар эвазига мағлуб бўлди.