Исраэль Адесанья: "Менга камар қизиқ эмас"

Ўрта вазн тоифасида UFC собиқ чемпиони Исраэль Адесанья Франция вакили Нассурдин Имавовга қарши жанг олдидан фикрлари билан ўртоқлашди.

 "Мен қанчалик кучли бўлганимни деярли унутиб қўйгандим. Бироқ барчасини қайта эсладим. Бу спортда озми-кўпми орзуларимга эришдим. Тўғри, ҳали олдинда бир нечта мақсадларим бор. Улардан бири - нафақага чиқишдан олдин йирик ғалабаларга эришишдир. Камарга ҳам аҳамият бермайман. Шунчаки жангдан завқланмоқчиман" - дея нигерияликнинг сўзларини келтирди "ММА Junkie".

Эслатиб ўтамиз, Исраэль Адесанья охирги жангини Дрикус дю Плессига қарши ўтказиб, 4-раундда сабмишн орқали енгилган эди.