Ислом Махачев Хабиб Нурмагомедовдан ўзиб кетди!

Таниқли мураббий Хавьер Мендес ММА юлдузлари – Хабиб Нурмагомедов ва Ислам Махачевнинг қайси бири катта ютуқларга эришгани айтди.

"Албатта, қалбимда Хабибга нисбатан алоҳида меҳр бор. Лекин холис бўлиш учун Исломнинг рекордларига қарашим керак. У енгил вазнда чемпионлик камарини тўрт марта ҳимоя қилди, кейин эса икки вазн тоифасида чемпионга айланди. Жанглар сони бўйича ҳам Хабибдан кўпроқ тажриба тўплади. Буни айтгим келмаса-да, тан олишга тўғри келяпти: Махачев ютуқлар бўйича Хабибдан ўзиб кетди", — деди Мендес.

Эслатиб ўтамиз, Ислом Махачев охирги бор Иан Гаррига қарши октагонга кўтарилиб, якунда ҳакамларнинг якдил қарори билан ғалаба қозонди ва ярим ўрта вазндаги илк камар ҳимоясини муваффақиятли ўтказди.