Ислом Махачев: "Илия Топурия яна UFC чемпиони бўлади, агар..."

Ярим ўрта вазнда амалдаги UFC чемпиони Ислом Махачев америкалик Жастин Гейтжига қарши жангда мағлубиятга учраган Илия Топурия ҳақида гапирди.

"Илия жуда кучли йигит эди. Ўтган баҳсда у шунчаки Жастинни етарлича баҳоламади, америкаликни осонгина нокаут қиламан, деб ўйлади.

"Матадор" баҳс олдидан фокусини йўқотган эди. Буни ҳамма кўрди. Ахир ўйлаб кўринг: қандай қилиб жангдан олдин зиёфат уюштириб, ғалабани нишонлаш мумкин?! 

Аммо шунча ишдан кейин ҳам мен Илиянинг кучли бўлиб қайтишига ишонаман, чунки у ҳали ёш ва ўйлаб олиши учун етарлича вақти бор. Унинг зарбалари ва кураши жуда ажойиб. Агар Илия фокусини қайта йиға олса, яна чемпион бўлади. Бироқ Гэтжи билан бўлган жанг унинг ҳаётига қандай таъсир қилиши ҳозирча номаълум," - деди россиялик Деметриус Жонсонга берган интервьюсида.