Ислом Кенжабоев Тошкент клубига ўтмоқда

Суперлигада бу мавсум ўзини кўрсатган "Қизилқум" етакчиси Ислом Кенжабоев фаолиятини бошқа жамоада давом эттиради. 

SPORTS.uz сайтига маълум бўлишича, футболчи Тошкентнинг "Локомотив" клуби сафини тўлдиради. Ҳатто Кенжабоев "термирйўлчилар" билан аллақачон келишувга эришган.

Хабарингиз бор, "Локомотив" Про лига якунларига кўра биринчи ўрин билан Суперлигага йўлланмани қўлга киритган. Бугун эса "Қизилқум" Суперлигага ўтиш ўйинида "Қўқон-1912" билан куч синашиб, 2:1 ҳисобида ғалаба қозонди. Ислом Кенжабоев жамоасининг иккинчи голига муаллифлик қилди.